加國拍戲難頂時差 李思欣睡魔急Call時裝店大昏迷
藝人李思欣剛剛於加拿大拍畢電影返港，今次是她首次到當地拍電影，戲中與外籍演員Joshua Spence、安志杰及林盛斌等合作，老公范振鋒都有同行。由於電影是老公的公司開拍，故兩人不時趁空檔出外拍拖，四圍遊覽。
思欣於戲中飾演間諜，有些場口要講英語，可謂新嘗試，她受訪時說：「今次去咗兩個星期，因為第一次做間諜呢類角色，內心戲較多。」她又笑言今次拍攝不太辛苦，反而因為有時差，兩公婆不時突然「大昏睡」，返港後仍因時差關係經常睡個不停：「試過因為其他演員要揀衫，我哋兩個喺時裝店坐喺度無端端瞓咗成個鐘，都幾誇張。」
腳傷未愈拐拐吓
思欣首次與安志杰合作，對方即將於夏威夷舉行婚禮，她坦言安志杰曾透露拍畢該片後便會籌備婚禮。提到日前跌親腳要入院縫針，思欣說：「依家行路都拐吓拐吓！車就揸唔到，之後都要去醫院拆線同埋勤用去疤膏。」
文：影視組