着性感婚紗零睇頭 陳嘉寶狂食減壓冇升Cup

準人妻陳嘉寶下月25日舉行婚禮，隨着日子逼近，感到壓力愈大，其體重卻不升反跌，更大嘆覺得自己腦囟未生埋，不捨得嫁。她又自嘲身材「平板」，再瘦就變「平地」，穿剪裁性感的婚紗亦冇睇頭。
Anjaylia狂食零食反而變瘦，令人羨慕。
Anjaylia狂食零食反而變瘦，令人羨慕。

藝人陳嘉寶（Anjaylia）昨日出席GODIVA Gold Discovery“Box of Wonder”體驗館開幕禮，她表示婚宴將筵開50多席，現時忙於籌備，為不少細節搞到頭都大。問未婚夫黃頌祈有否幫忙？Anjaylia說：「佢有佢嘅忙，依家夜晚唔係好瞓到，突然覺得自己好快嫁，腦囟都未生埋，又唔捨得屋企，所以狂食朱古力減壓。」又表示近來的體重比之前輕，已努力增肥：「自己好平板，難得件婚紗係訂製，Cutting好好。（性感？）都幾，但唔係Sell性感係Sell線條。（增肥為升Cup？）本身已經冇乜，再瘦會變平地。（升幾多Cup？）升得幾多得幾多啦！」她透露姊妹團已落實有陳凱琳、陳瀅及蔡穎恩等。對於近日有指鄭嘉穎拒娶陳凱琳，她笑言：「唔會啦！大把人排隊爭住娶。」

樂基兒廚房「3P」理論

同場的名模樂基兒（Gaile）透露中秋節在家下廚慶團圓，現正籌備網上Cook Book。問到誰是家中的Master Chef？她表示跟老公Ian的煮食風格迥異，又分享自己在廚房的「3P」理論：「最緊要有Patience（耐性）、Passion（熱情）同Preparation（準備），我煮嘢時廚房保持得整潔，但佢一煮就搞亂廚房。」此外，Gaile在社交網上載8月結婚的靚相，更寫上肉麻字句冧老公，自言真的很有福，有機會再次墮入愛河。

Anjaylia表示婚禮姊妹團包括閨蜜蔡穎恩。
  • Anjaylia表示婚禮姊妹團包括閨蜜蔡穎恩。
雨僑性感出席開幕禮。
  • 雨僑性感出席開幕禮。
Gaile與品牌Chef Jean Apostolou品嘗朱古力。
  • Gaile與品牌Chef Jean Apostolou品嘗朱古力。

活動出席人士還有專程由比利時來港的品牌Master Chef Jean Apostolou及蔡穎恩、汪詩詩與表妹湛琪清、楊崢及雨僑等。Anjaylia與蔡穎恩更大試品牌為慶祝Gold Discovery系列重新演繹經典的金裝系列各種朱古力，包括熱情果、粉紅胡椒及創新的「金巧克力」等口味。

文：名人組