陳慧琳怪位生瘡虛驚一場
天后陳慧琳（Kelly）昨日出席關注乳癌活動，關注健康的Kelly每年都會做身體檢查：「我比較敏感，有少少唔妥就會Feel到，會問朋友有冇呢個情況出現，如果持續落去就會睇醫生。」她坦言試過在怪位生瘡，以為身體有甚麼事，幸好只是虛驚一場，自己嚇自己。
問到老公是否都注重身體健康？她說：「佢絕對唔注重，我都逼唔嚟，但只要佢身邊朋友有咩發生佢就會驚，所以我講冇用。」又謂老公沒有定期做體檢，可會擔心老公？她說：「擔心佢會傳染畀兩個仔，不過佢都真係好勁，我哋全家病晒佢都冇病，係幾壯，所以我唔擔心佢，通常個仔有病，之後就會係我病。」