周柏豪拍劇誘10倍關注
歌手周柏豪近日憑無綫劇集《使徒行者2》中「樂少鋒」一角人氣勁升，成功「打入屋」的他昨日到電台宣傳，透露關注網誌人數激增：「多咗10倍人關注，開心嘅，以前去唔到嘅地方依家去到。（劇集收視好？）係，9集已經有7.5億點擊率（內地網站點擊）。」
本報前日率先爆李克勤有望捧走「叱咤男歌手金獎」，柏豪說：「好正常同合理，佢派咁多歌。（傳你男歌手三甲不入？）今年冇乜點派歌，中間又轉公司，其實上年我都冇男歌手獎。」記者笑他大有機會奪「最受歡迎男歌星」，他說：「有獎梗係開心。（Cut咗亞太區最受歡迎男歌星？）哎呀！」