熊黛林拒祝福城城做爸爸：多我一個唔多

前晚熊黛林（Lynn）出席珠寶酒會，提到舊愛郭富城榮升爸爸，問會否送祝福？她寸爆說：「你哋祝福佢就夠，多一個唔多，少一個唔少。（城城話B女似佢，想唔想睇吓？）冇乜想唔想。（唔好奇？）自己咁多嘢都理唔切，仲會理人哋嘢咩？（係咪以後凡城城嘅嘢都唔多想理？）總之只會理老公嘢，第二啲人冇乜興趣。（老公聽到好冧？）等佢冧吓囉！（係老公意思定你意思？）我一向都係咁，唔係得一個ex（前度），個個係咁，一視同仁！（冇得做番朋友？）冇，完全冇聯絡。（因為個個分手都唔開心？）我性格係咁。（可以好絕？）係，睇唔出呢？」

老公送驚多過喜

活動上Lynn佩戴一條價值超過7,000萬港元、主石重達40多卡的鑽石頸鏈，她講笑指老公郭可頌正在儲錢，又冧爆稱老公應承若自家的運動品牌賺錢便送她大粒鑽石，問到10月生日會否想收驚喜禮物？她笑說：「通常係驚多過喜，男仔眼光唔同女仔，試過有次送咗份好唔同嘅禮物畀我，拆禮物時我滴汗，忍唔住話，以後唔好畀驚喜我。件禮物唔係我Style，放咗喺一個地方當作紀念。」

郭富城	徐冬冬真空上陣話怕咪咪太腫。	徐冬冬火辣打扮與半裸男模拍寫真。

徐冬冬縮胸淆底

同場的內地女星徐冬冬上圍明顯縮水，她直認冇戴Bra：「之前拍戲瘦了五公斤，拍完之後冇肥過，今日冇戴Bra，戴了會太腫，只貼了乳貼，我覺得女生太豐滿不時尚，因為自己太性感，找我拍的都是性感戲，現在想改變，想變多面一點。」現在擁有D Cup上圍的她，曾想過做縮胸手術，卻又怕痛及危險：「做演員想有唔同嘅戲路，唔止性感，微博好多人鬧我太性感，我都好焦急、好困擾，快抵受不住。」不過，早前她拍攝一輯性感寫真，大晒噴血身材，身旁有一班半裸外籍男模圍住摸手仔兼攬腰，意識誘惑。

文：名人組