甄子丹培育小鮮肉

「宇宙最強」甄子丹昨日現身機場，為新增設的貴賓候機室剪綵。問到中秋節能否「人月兩團圓」？他稱：「太太同屋企人都唔喺香港，我就要開工。最近我開咗套勵志、教育電影，有少少動作戲嘅，開咗一個月左右啦。今次我做監製加幕前，裏面大部分起用新演員，係試鏡搵番嚟嘅。佢哋好有Heart、好似清泉咁。（睇中咗要嚟力捧？）已經簽咗兩個男仔，靚仔有潛力，係香港代表小鮮肉。（嚟緊放多啲時間喺幕後？）我接戲接到明年底喎！有啲西片仲傾緊，我會揀吓先，貴精不貴多。自己公司一年起碼會開三部，要開戲台前幕後先有機會嘛。」