金燕玲中H1N1入院
DJ蘇施黃本周一（25日）在微博上載與密友金燕玲一同前往看醫生的照片，指金燕玲患上甲型流感，上星期五（22日）發燒燒至102度，而她亦跟着發燒。昨日阿蘇又再於微博留言表示金燕玲同時驗出H1N1流感，寫道：「原來金小姐驗到有H1N1添，加埋甲型流感，唔怪得之咁辛苦。」
食特敏福都冇用
阿蘇昨日在電台接受記者訪問時，透露自己已經痊愈，又笑言金燕玲病到「奄奄一息」。她表示金燕玲服用了特敏福後，情況沒有好轉，所以前日決定入院。提到阿蘇之前亦患過H1N1，她直言雖然今次自己只是普通感冒，但最大問題是因為金燕玲一向甚少病痛，所以忽略了嚴重性：「今年都死咗二百幾三百人，尋日佢好病，軟弱無力，一定要去吊吓藥。佢攰到冇晒氣力，連床都唔起，所以決定入醫院。」又指對方前日口腔開始潰爛，更食而無味，連最愛的腐竹糖水都吃不下。
唔擔心密友病況
另外，談到金燕玲患病前可有外遊，阿蘇指對方去了內地拍戲。問到是否很擔心？她坦言放工就會到醫院陪伴，但因私人病房內有隔離，只能在病房裏的大廳與工人陪伴金燕玲：「唔擔心，佢不嬲身體都好好，我成日都話啲菌好似上帝咁無處不在，希望大家都注意身體。」
文、攝：音樂組