何廣沛人氣勁揮低劉佩玥

何廣沛（Matthew）日前與劉佩玥（Moon）到長沙灣拍攝新劇《跳躍生命線》外景。劇情講述飾演救護員的Matthew鼓起勇氣約阿Moon，但因阿Moon當時正在聽歌，未有聽到整段對話，Matthew因怕醜未敢再開口，最終事與願違，二人未能單獨約會。

學生追攞簽名

由於剛巧是放學時間，吸引不少途人及學生駐足圍觀，有男途人大讚Moon真人靚過上鏡，她開心得高呼多謝。而憑《超時空男臣》一劇彈出的Matthew亦不遑多讓，成功吸引一班學生爭相合照及索取簽名，他亦有求必應，非常親民。

唔擔心傳緋聞

對於獲途人大讚靚仔靚女，二人接受訪問時直言感到十分開心。問到會否於劇中有親熱戲，阿Moon指劇集是一部青春劇，不一定要有親熱戲：「青春鏡頭多啲，係開心同正氣嘅嘢多啲。」提到二人早前曾傳出緋聞，阿Moon笑言不擔心再惹緋聞，更以「好兄弟」形容對方，Matthew亦附和說：「我哋太熟喇！冇所謂啦，傳咪傳，冇壞嘅，自己知唔係咪得囉！」

何廣沛、劉佩玥曾傳緋聞，現時變成「好兄弟」。	劉佩玥與何廣沛合作有默契。	何廣沛因演「男臣」，吸引學生攞簽名及合照。

文：影視組

攝：吳文聰