張可義遇拍檔「爆肚」一味傻笑
模特兒張可義（Emily）近日除了參與ViuTV節目《G-1格鬥會II》，早前再有新嘗試，為歌唱選秀節目擔任主持。問到當中可有困難？她說：「之前有做過主持，但今次係現場直播，要留意觀眾嘅反應，變相有挑戰性得多。（有冇發生蝦碌事？）我嘅拍檔口才好好，有時會爆肚，搞到我接唔到，淨係識傻笑。」
Emily近年專注事業，感情暫時未有着落。講到擇偶條件，她自言不是「外貌協會」：「拍拖都係以結婚為大前提，最緊要孝順，因為佢錫屋企人，自然識得錫老婆。同埋我好鍾意做運動，都想搵番運動型嘅男仔，大家有共同嗜好會啱嘴形啲。」
