羅敏莊零酬勞化身睇樓KOL
現今社會趨向買「磚頭」保值，不少藝人亦以此途徑作投資，藝人羅敏莊早前便以逾300萬港元一炮過付款買逾800呎單位，但地點就在泰國曼谷。榮升業主之餘，她還開設睇樓專頁，實行以網紅（KOL）身份帶港人睇樓盤。
羅敏莊（Mimi）早前透露在泰國曼谷投資物業，並計劃帶女兒陳禛到當地讀書，認為當地政府為兒童所做的設施較完善：「曼谷好多遊樂設施做得好好，連廁所都好乾淨，仲特登整小型廁所畀小朋友。玩玩吓就愛上呢個地方，如果退休或者得閒可以去度假。」
Mimi表示花了兩年時間物色當地樓盤，期間在網上看介紹樓盤的短片時，發現大部分以普通話及泰語為主，缺乏廣東話，故開設Facebook專頁「我要睇樓團」當KOL：「拍片帶大家睇樓，之前買樓識咗地產經紀朋友，傾好咗合作，不過一分一毫都冇收過，為興趣而做。」她又表示老公陳國邦亦有畀意見，她說：「我老公話如果想做睇樓達人，要先有經驗，就好似今次我喺外地買物業，要先租出去，讓人放心。」
對治安有信心
今次以逾300萬港元在泰國買樓，Mimi指雖然香港也有物業，但只是自住用途：「香港啲樓貴，呢個價可能喺香港都上唔到車。我個人又唔係好叻投資，啲人話香港投資包你賺，可能我師奶心態，唔捨得用舊錢買咁細嘅單位。」提到泰國治安問題，她坦言不擔心：「啲人成日話嗰度唔安全，人哋又點睇我哋香港？其實全世界好多地方都唔安全。我每次去住半個月先走，可能某啲地方係唔安全，睇吓去邊度。」
文：馮雪怡
服裝：Benita Fashion
場地：The AIR