林躍影壇上「車」勝在唔怕輸

林躍自小好動，7歲開始學跳水，13歲參加世界級跳水比賽，17歲摘下2008年北京奧運首面雙人跳水金牌，2016再下一城。曾參加過三屆奧運會，林躍的跳水生涯可謂多姿多采，原來除了跳水，他還有鮮為人知的一面，就是喜歡飆車，更有意考賽車證，他說：「跳水係第一個興趣，賽車係第二個興趣，兩樣嘢有共通點，都係重速度感，細細個就好鍾意車，見到街上嘅林寶堅尼就好開心，係我夢寐以求嘅dream car，好希望有日可以賽車，正計劃考個賽車證。」

打亂生理時鐘

早前他夢想成真，竟有機會一嘗「賽車」滋味，在電影《極速人生》中客串一角，飾演一個車壇的世外高人：「拍戲好辛苦，雖然係客串性質，但連續幾日由夜晚拍到第二朝早，冇得瞓，對運動員過慣早睡早起好規律嘅生活嚟講，時鐘打亂咗。」

林躍擁有運動員的不死鬥志，座右銘就是唔怕輸。	熱愛賽車的林躍，於電影中一嘗做車手的滋味。	放大圖片

雖覺辛苦，但另一方面又感覺好玩，因跳水運動訓練到他有敏捷身手，演繹賽車的動作亦有板有眼，獲得不少讚賞。問他將來會否入娛樂圈？他說：「未諗，我係有退役計劃，自己都鍾意學新嘢，鍾意挑戰自己，我有乜優點？我冇優點，我諗唯一可能係咁多年嚟學識唔怕輸呢樣嘢。」他續說：「2010年曾經受嚴重腰傷，醫生叫我退役，係自己堅持想繼續跳，身邊好多人支持我，冇畀壓力我，先支持到依家。」

傷腰退隱兩年

林躍的腰傷困擾了他兩年，不能參加比賽，直至2012年才復出，他說傷患不能完全康復，但用意志力克服下，他可以繼續比賽，繼續學賽車，繼續展開他的人生。

文：名人組

造型：David Pun

髮型化妝：Hilary Ho