方力申認Young：襯得起蘇麗珊！

方力申（小方）、舊愛鄧麗欣和導演葉念琛合作超過十年，曾打造多部經典愛情片，但在新作《愛情奴隸獸》中卻加入生力軍，起用影壇新星蘇麗珊取代鄧麗欣，與方力申奉旨談情說愛。日前三人接受東網巨星節目《娛樂onShow》的主持俞詠文（Angela）訪問，葉念琛和小方全程不停互窒，爆笑連場！

葉念琛踢爆多情人

葉念琛和鄧麗欣去年曾合作拍戲，小方直言未有看過舊愛作品免被影響，更指自己襯得起新拍檔蘇麗珊，他笑說：「我可能Keep得好，個樣又Young啲，所以我都襯得起蘇麗珊！」葉念琛聞言即爆對方一遇蘇麗珊就表現「生猛」：「拍咗方力申十幾年，今次要搵個同佢未合作過嘅女主角，事前都有畀個名（蘇麗珊）佢過目，去到咁新，應該就冇乜瓜葛㗎嘞！」方力申即說：「我呢行冇仇家！」葉念琛秒回：「你多情人嘛，冇話你有仇家，哈！小方都一把年紀，呃唔到人，枯木都要逢春，要畀啲新嘢佢刺激吓。見佢真係好開心，精神奕奕，重拾番生命力！」

導演葉念琛（左起）、蘇麗珊、方力申接受Angela訪問，不時互窒放笑彈！

蘇麗珊爆方力申不斷追問其感情事。

最怕女友雙重標準

而首次合作的蘇麗珊，笑讚方力申猶如「吹神」一樣健談：「佢唔會以前輩嘅姿態同我講嘢，佢令人好舒服又好細心，喺拍攝現場好照顧大家。佢好鍾意撩人傾偈，就算第一次見都傾一餐。」蘇麗珊更指拍攝期間被葉念琛、方力申及林盛斌不斷問其感情事，而方力申則爆料最怕女友有雙重標準，想知小方所指的是否鄧麗欣？而蘇麗珊又如何被「套料」？立刻Click入東網巨星節目《娛樂onShow》！

https://goo.gl/GTNBy9

文：專案組

方力申 髮型：Vince Pang & Euling Chow @ ILcolpo Platinum

化妝：Yen Lai

服裝：Mcq@I.T

蘇麗珊 髮型：Will Yu @ the attic

化妝：Will Wong @ WiLL makeup

服裝：Style Nanda @ ithk

場地：Emax