虎媽之苦！蔡少芬發惡拍枱
無綫劇集《老表，畢業喇！》反映香港教育問題，由蔡少芬與郭晉安孭飛演出。兩人上次合作已是17年前，現已為人父母，對現今家長及學生面對的學習壓力特別有共鳴。他們拍攝時，話題自然離不開子女經，蔡少芬說：「大家啲仔女都差唔多年紀，我哋好多嘢分享，好似小朋友反叛問題。」她又讚郭晉安組織家庭後變得更顧家，多年來都是一個好男人。
做家長要嚴肅
劇中飾演「虎媽」，蔡少芬自嘲現實中教小朋友讀書則是「苦媽」，道盡家長心聲：「同兩個女好Friend，玩嘅時候可以攬頭攬頸，但要訂下啲界線，好似做功課就要有家長嚴厲一面。教兩個女做功課係最辛苦，試過忟憎到拍枱！」不過，她坦言看見老公張晉對女兒嚴肅，卻會心軟：「爸爸好溫柔咁教咗幾次，但佢哋仲係掛住玩，到爸爸好惡咁最後通牒話『係咪仲唔做？』我心諗其實可以再畀多次機會嘅。」
文：影視組
服裝：KRIZIA
場地：CÉ LA VI
髮型：Barry Tran@Hair Corner