任達華踢爆嘉玲：佢一間頂我30間！

劉嘉玲以一身型格打扮現身大埔林村。

英皇賀歲片《我的情敵女婿》昨日在大埔林村舉行開鏡儀式，演員劉嘉玲、任達華、唐詩詠及姜皓文等出席。任達華在戲中飾演劏房大王，最後從良將劏房平租給人。他指自己若有錢也會這樣做，當記者笑指他已經在世界各地有物業，他說：「我平租囉！有啲單位有人租咗十幾年，證明我係好業主！」

問嘉玲會否效法對方？任達華搶答：「佢一間頂我30間啦！」嘉玲則表示有研究房地產投資：「要租畀人住好麻煩，我冒險啲，鍾意投資做生意！」又透露由她首任監製的新片，成為香港亞洲電影節開幕電影，直言是鼓勵。

詩詠姜皓文水乳交融

另外，唐詩詠與姜皓文在片中有親熱戲，因為天氣炎熱，詩詠搞笑地指二人水乳交融！姜皓文指拍錫錫戲時幸好詩詠沒給他香口膠。詩詠被問到曾派香口膠給誰？她笑說：「袁偉豪囉！因為佢成日飲咖啡又唔記得咗。（要求對方刷牙？）冇！都唔使咁深入嘅！」

任達華與劉嘉玲出席電影開鏡儀式。	放大圖片	唐詩詠與姜皓文笑談親熱戲。

文：影視組