在美國修讀戲劇的陳法拉於紐約時間8日出席當地舉行的Kate Spade 2018年春夏時裝騷，席上與女星Elisabeth Moss合照，透露剛開學，正值校內舞台劇表演，笑言是偷走出來。法拉表示今年去了兩次公路旅行：「一次係我做司機，6月同家人去咗6日加拿大，山區路唔易揸，我完全唔敢睇風景，專心接載一家大細。第二次就係同男朋友去法國，佢做柴可夫，我可以專心欣賞郊外景色。」當時法拉更為親自執導的微電影在法國鄉村取景，多得男友做司機，才可專注做導演工作。
