楊洛婷隨時生得

藝人楊洛婷（Rabeea）懷孕近九個月，腹大便便的她日前跟樂隊Dear Jane主音老公Tim拍攝一輯性感大肚寫真。Rabeea以內衣上陣，笑言是影過最性感的寫真。問會否感尷尬？她說：「冇尷尬，我哋係全女班，反而我老公會尷尬囉，因為佢要喺咁多女仔面前除衫，佢即時做Push Up！（有冇諗過影全裸？）有，不過攝影師覺得冇咁嘅需要，反而Tim係上身赤裸。之前我一直都好想影啲性感嘅相送畀Tim，不過未有機會，所以今次好難得可以當大肚相一次過影。」
楊洛婷隨時生得，已執定走佬袋。
楊洛婷隨時生得，已執定走佬袋。

Rabeea指拍照時現場播放着音樂，腹中BB聽到音樂不斷郁動。講到九月底是預產期，她指有機會提早分娩：「醫生話BB位置已經好低，隨時生得（口架）喇，我執晒嘢隨時可以走佬。最近瞓得麻麻哋，因為BB壓住個肺有時抖唔到氣，只可以打側瞓，不過都會每兩個鐘起一次身。好期待呀，我好想見到BB個樣。」

楊洛婷與老公Tim拍性感大肚寫真。
  • 楊洛婷與老公Tim拍性感大肚寫真。