鄧達智（William）與陳梓欣公開同性結婚，城中同志趙式芝、王賢誌、王曼喜紛紛送上祝福，大讚他們勇敢、偉大！趙式芝表示以鄧達智為榮：「真係好替佢開心，始終佢係圍村嘅長子，有更大壓力。」而她與波爾錶太子女楊如芯結婚，遭爹哋趙世曾極力反對，提到William為免家人尷尬，沒有邀請家人出席婚宴，趙式芝說：「時間可以令人接受，依家爹哋態度已軟化晒，婚姻唔單止係兩個人嘅事，家人亦好重要。」
而王賢誌對於鄧達智為愛情放棄近億祖業，他說：「佢好偉大，係大膽嘅改變，將自己生活翻天覆地改變，為愛戰勝一切，好支持佢。」王曼喜則大讚：「終於有人企出嚟為同志朋友慶祝愛，我希望佢哋幸福，永結同心。」並表示日後她結婚都希望家人出席，始終家人是第一位。