琦琦：佢連結婚都咁潮！

名模琦琦、Rosemary、惠英紅及鍾慧冰等出席William的同性婚宴，琦琦表示送了利是給對方，更特意找了兩個男人封面的利是封，又大讚他們勇敢：「William係時裝設計師，佢設計好新潮，佢連結婚都咁潮，我好Surprise，估唔到佢咁快就結婚。」琦琦更於昨日凌晨12時傳訊息給William：「我話我一定要成為第一個祝福William嘅人，我祝佢永遠幸福，大家相親相愛。佢哋兩個係完全唔同職業嘅人都可以走埋一齊，好值得祝福，當搵到真愛嘅時候，愛係需要畀承諾。」