葉芷如扮超人撞爆手指捱10針

藝人陳嘉桓師妹葉芷如（Lemon）外表斯文，原來兒時的她相當好動，玩意更非常「男仔頭」！她透露小學三年級時扮超人從衣櫃頂跳下來，結果弄傷手要即時送院睇急症：「我細個好鍾意超人，仲披咗毛巾扮斗篷，點知跳落嚟時隻手撞牆，搞到手指爆咗！最搞笑係流血太多，嫲嫲要用飯碗裝住啲血！」最後縫了十多針，至今疤痕仍在。Lemon有兩個弟弟，分別細她一年及七年，從小已經感情好好：「細我一年嘅細佬動靜似我哥哥多啲，成日照顧番我轉頭。佢依家高過我，親戚朋友全部叫佢做哥哥，叫我做妹妹。」