草蜢開騷撮合歌迷
組合草蜢三位成員蘇志威、蔡一智和蔡一傑正忙於為11月舉行的演唱會排舞，前晚仍抽空欣賞鋼琴協奏曲音樂會。蔡一智透露為取靈感而出席，因為演唱會有一首鋼琴主打的歌，他說：「演唱會主題係過去、現在、未來。（穿越時空？）有好多唔同元素，無論係冇人工加、買唔到樓嘅人都會嚟睇，睇完發洩咗舒服晒，單身嘅更加要嚟，草蜢係音樂治療師，可能嚟緊會有『春天』遇到另一半呢！」
至於歌手王菀之則帶同父母欣賞，並透露對《梁祝》、《黃河》鋼琴協奏曲有情意結：「喺加拿大跟大師學過，非常難彈。（的起心肝學番？）近排想學番好多嘢，包括鋼琴同唱歌，又新學手語、日文同跳舞，依家好似學生咁返學。」
