阿仙奴大敗袁文傑：似小朋友踢波
藝人袁文傑、莊思明及莊思敏昨日出席無綫節目《最緊要好玩》慰勞宴。匆匆到場的袁文傑坦言工作比之前多，問女友有否詐型少時間陪伴？他說：「佢以前都係呢行，都體諒明白！」袁文傑表示有留意愛隊阿仙奴日前作客利物浦慘吞四蛋：「啲球員好似啱啱學踢波嘅小朋友、鬥輸咗嘅公雞咁，係幾罕見，我諗佢哋內部出現咗一啲混亂情況！」
至於思明被問到與男友楊明睇屋一事，她說：「咁啱去望望。（築愛巢？）想多啲時間見面，我都咁大個人，係時候加快腳步。（父母批准？）佢哋唔知。（已經半同居？）同好多情侶一樣，一個禮拜會有一、兩日喺一齊。」與阿妹思明同居的莊思敏被問楊明是否每周來她家住一、兩日時，她笑說：「點止呀！」
