李佳芯床上激戰男友(目及)實
藝人李佳芯憑劇集的性感演出，再次廣泛吸睛，但她竟自評演出只得50分，因覺得太緊張搞到講對白太快！又指男友陳炳銓有捧場追劇，看來她有個忠實擁躉！
李佳芯（Ali）、王浩信及張振朗等前晚在尖沙咀出席劇集《踩過界》慰勞宴，電視廣播有限公司副總經理（節目及製作）杜之克表示，《踩》劇在內地錄得4.9億點擊率，又頒發該劇之前在內地奪得的「2017金骨朵網絡影視盛典—年度十大精品網絡劇」獎座，可謂叫好叫座！
王浩信盼拍續集
Ali好戲連場，分別與浩信及張振朗有咀戲及床戲，但她卻自評演出只值50分：「我覺得自己講對白快咗。（趕收工？）哈哈，呢個係好多演員嘅想法，可能緊張，驚唔記得對白。（床戲被談論，忽略你演技？）呢個好似係一路以嚟嘅情況，但都開心有人話我着起法官袍好有威嚴，我最怕着咗都唔似法官！（男友點睇？）邊個？你話陳生（男友陳炳銓）？聽佢講網上有人講呢個劇，我諗佢都有睇。（佢鍾意睇你床戲定法庭戲？）咁你要問番佢！」
浩信被問到可想添食？他說：「都想呢個班底拍續集，或者另一個題材！（下次想同朱千雪有好結局？）繼上次《EU超時任務》，今次編劇編咗個更加催淚嘅結局，好犀利！」
張振朗搵銀娶老婆
張振朗則回應早前到新加坡探女友陳芷尤並見家長一事，他說：「之前都見過面，印象唔錯，又唔係傾婚事，冇壓力嘅！我冇車冇樓，人哋都唔放心交個女畀你，要專注工作先！（做視帝先公開？）其實一路冇公開，但大家好似當咗我哋係公開嘅秘密。（下次公開就係宣布結婚？）好難講，努力工作，我一講呢啲就緊張出汗！」
文：影視組