陳嘉桓尋仙境有血有淚
陳嘉桓（Rose）、阮頌揚（Brian）日前到西藏拍攝旅遊特輯，率先抵達香格里拉鎮開工的Rose，不久已出現高山反應，日日流鼻血兼頭痛欲裂，她說：「開始嘅時候，高山反應都幾厲害，沿途都好頭痛，肚餓但又食唔落嘢，瞓亦瞓唔到，要靠藥物紓緩。」面對挑戰位於海拔4,600米的牛奶海，雖然不少同行的人擔心身體未能應付而放棄，但抱恙的Rose仍堅持到底：「我覺得咁難得先嚟到呢度，冇理由就咁放棄，所以決定點都要行上去！」雖然沿途因高山症加劇而苦不堪言，幸她最終仍捱得住登上高峰，自言有點不敢相信：「開心到喊咗出嚟，真係好感動。」
至於早前忙演音樂劇的Brian遲Rose三、四日才會合，同樣出現高山反應，日日流鼻血，他說：「呢度好乾燥！個個嚟到都日日流鼻血，坐大量長途車又頭暈，但可能平時都有跑步跳舞做運動，所以好快適應。」露營期間，Brian大展廚藝，與Rose一起為劇組準備港式燒烤晚餐。
公路上留影
由於西藏美景處處，兩人不時拍照，甚至乎公路上的美景也不放過，更一度下車在公路上留影，為追景色「去到盡」，Brian說：「當然我哋會揀啲非常少車行嘅路段，而亦有唔少旅客都會咁樣做，因為影出嚟嘅相真係好靚。」
文：影視組