小糯米秘密轉校嗲實劉愷威

內地女星趙薇及楊冪事業如日中天，都選擇安排女兒入讀香港的國際學校。楊冪與老公劉愷威各有各忙，近年甚少一起公開亮相，但兩人對3歲女兒「小糯米」錫到燶，今年3月更被拍得忙裏偷閒結伴出席囡囡幼稚園的親子運動會，不過，為給女兒有清靜的讀書環境，免受外界騷擾，他們原來已秘密為小糯米轉讀國際學校。

寶貝女返學好開心

昨日開學日，早上約7時，戴Cap帽的劉愷威與母親及囡囡乘七人車離開西半山寓所前往港島區一間國際學校，劉愷威落車後即到後座抱小糯米步入學校大堂，劉母亦緊隨其後，身穿黃色運動衫的小糯米眼仔睩睩，乖巧地伏在爸爸的膊頭上，十分可愛。至10時半左右，劉愷威抱着上完堂的小糯米，火速步出校門上車，並由司機接載返寓所。據知楊冪目前正身處內地趕拍電視劇《扶搖》，故未有現身湊女。

放大圖片	趙薇的女兒小四月，在港升學。

劉愷威其後接受本報訪問，問到女兒開學心情如何？他笑說：「梗係開心啦！學校咁多小朋友，又咁多嘢玩，開心到不得了，小朋友返學實開心，佢開咗學成個星期，都好習慣！（太太要工作所以冇陪湊女？）媽咪要做嘢，不過佢都成日送佢返學，一有時間就送！」

束長辮撐卡通傘

至於趙薇與富商老公黃有龍的7歲女兒「小四月」，昨午約3時跟其他同學於就讀的國際學校正門步出，小四月眼大大似足媽咪，長髮及腰紮起長辮，外形標致。雖然趙薇投資有道被喻為「娛圈女股神」，持有影視、酒業及不動產多項業務，身家逾60億港元，但她照顧女兒的方法絕不炫富，並沒有大排場，只派保母湊放學，而且現場其他家長都安排名車接小朋友，但趙薇相當低調，只安排一輛七人保母車接載。因學校門口不能泊車，小四月與保母行到對面街候車時，沿途彈彈跳，並拎住卡通傘盡顯童真，期間她以流利英語及普通話跟保母傾偈，關係相當要好，當七人車駛至，活潑的小四月即彈住上車。

文：影視組 　

攝：追蹤組、專案組