林峯唔睇錢最緊要啱Timing
藝人林峯昨晚專程為撐好友鄧智偉場現身派對，早前他與吳千語多次傳「分」訊，今次又「單拖」赴會，林峯笑言不用經常出雙入對，更大爆有內地製作人找他們以情侶檔做真人騷。
林峯昨晚於灣仔出席好友鄧智偉的品牌活動私人派對，「單拖」現身的他甫到場即被嘉賓包圍集郵，更與潮流教父DRx Romanelli傾個不停。對於與女友吳千語多次傳情變，他笑說：「唔使成日出雙入對，忙吖嘛！拍拖都咁多年，再講都好煩。」至於之前有指他投資豪宅，他坦言：「呢啲係半投資，喺適當時候要投資，加上唔一定喺香港，睇準時機就好。（買豪宅同千語同居？）唔使解釋。（千語話30歲先肯嫁？）你問番佢啦！呢啲我唔會答。」
於內地發展不俗的林峯，不諱言有製作單位邀他與千語合作做真人騷：「但唔係一個啱嘅Timing。（拍拖咁多年都未啱？）唔係咁適合。（價錢唔吸引？）唔係錢問題，要睇形式。」他又表示正為9月底舉行的演唱會狂操，笑言：「冇得約食飯，冇晒朋友！好多嘢唔食得。自己都覺得未減得夠，今次啲戰衣都少布，所以想再弗啲。目前減咗十幾磅，未來兩三星期想再減。（怕唔怕冇晒肌肉？）肌肉多的是，依家我隔日操肌。」
鄧智偉唔送自己畀高海寧
而鄧智偉表示會跟品牌搞Crossover，說到緋聞女友高海寧買樓要他送大床，他即說：「大床又唔好！（準備貼身禮物？）唔好嘅。（送自己？）唔會。」昨午出席此品牌開幕活動的王浩信亦表示有興趣合作，他說：「我以前讀設計。（囡囡遺傳到你天份？）佢鍾意畫畫，仲遺傳到我有一雙長腿，有好有唔好啦！怕佢跟人走囉！依家已經開始驚！」
文：影視組