王敏德揸煮意追掂老婆
藝人王敏德與黃心美昨日出席《保誠香港網球公開賽2017》發布會，王敏德透露屆時會為慈善下廚煮墨西哥Fusion菜，更稱平時一手包辦子女的早餐，更爆當年追老婆馬詩慧時經常下廚，但追到手就沒有再煮。問到如何為8月29日生日的老婆慶祝？他表示一家人與兩女的另一半及朋友共8人去食飯：「我送咗花，禮物係幾萬蚊嘅珠寶，但禮物未到，佢成日都唔想我用錢。（第一次見兩個女另一半？）唔係，平時屋企有見，但第一次家庭聚會食飯。」
提到細女王麗嘉經常在網上晒性感相，王敏德說：「最近啲相我有睇，都滿意，慣咗。（同佢講吓？）唔使，對比其他人網上嘅相，冇乜嘢。」
心美唔知馬國明貴庚
另外，黃心美今次以嘉賓身份出席，直言做司儀酬勞會較高，又表示有意再買樓，但因買第二層樓要畀15%稅，故或用三妹首置配額，她說：「三妹話呢世都儲唔到錢買樓，佢做空姐，成日周圍飛，唔需要擁有物業，咁我到時會識做，可能分20萬畀佢，或者賣咗賺咗分啲畀佢。」提到前日她寸胞妹黃心穎的緋聞男友馬國明年過半百，她即澄清表示不知對方幾歲。問到心穎可有帶馬國明見家長？她說：「未見，我同佢未食過飯。（唔使過家姐你呢關？）係真嘅會祝福佢哋，唔需要過我嗰關。」
文：名人組