麥紫莉酒吧騷 封胸Hea跳怕走光

o靚模麥紫莉早前揚言要赴日本拍AV，打算成為首位港產AV女優，但拍AV一事只聞樓梯響，前晚她在尖沙咀一間酒吧出騷，身穿黑色背心裙相當密實，與出席書展時騷胸大大不同。她在台上獻唱徐子珊的《Hit Me》，舞姿生硬全程Hea跳Hea唱，毫無性感誘惑可言，更令人抓頭是音樂未完她就落台，現場場面冷清，台下觀眾冇反應，掌聲亦欠奉！

怕被指博上位

麥紫莉表示為表演練習了兩天，每次演出都感緊張，曾表示要積極減肥的她已減去5公斤，但身形仍未見成績。談到打扮零性感可會擔心被詐型？她說：「跳舞怕走光。（啲人會失望？）側面都有個Shape嘅。（出騷底線高過拍AV？）係怕走光，唔想喺做呢樣嘢（指拍AV）前有啲地方曝咗光！（下次着Bra Top？）可以試吓，不過跳舞就唔會喇！」

問到拍AV的進度，她說：「唔知，公司未畀日子我，我都想知幾時，等我有心理準備。（去日本前要體檢？）要，但我未Check！（真係拍？）公司話係，知道幾時拍就會話我知！」她直認說了會拍就希望完成到，因不想被指博上位。

文：影視組