天王黎明（Leon）的全國巡唱出師不利，廣州首站上周五及六開唱，但Leon於尾場唱最後一首歌前呼籲：「今次演唱會發生咗啲事，就交畀佢哋同公司處理啦！我淨係面對你哋o架啫！仲有以後買飛唔好咁急，搵啲國家認可、合法嘅票務！」有傳其演唱會遭人以鎖死門票方式高價賣票，令歌迷要捱貴票外，又有網民在微博爆料指Leon被拖欠600萬人民幣（下同）製作費，根據合約，Leon有權拒絕開騷並宣布取消演唱會，但他不想專程到廣州及買了黃牛票的歌迷失望，才堅持唱足兩場。
昨日Leon經理人公司發言人王凱文承認製作費「爛尾」：「主辦單位未有履行合約內容，未畀錢已經係毁約！（係咪600萬？）唔少嘅數目。之前只收到好少數目嘅第一筆上期，對方回覆承諾開騷前會付清，但最終冇。」王凱文稱廣州的主辦商是首次合作，之後的深圳站是另一個曾合作的單位，故不受影響。