楊明拍親熱戲唔使備案

藝人楊明昨午出席公開活動，近日忙於拍攝新劇《果欄中的江湖大嫂》的他，大讚首次拍劇的拍檔馮盈盈「話頭醒尾」：「佢一聽就明，好多嘢第二次就記得。（同佢有親熱戲？）睇到第16集劇本都仲未有。（要向女友莊思明備案？）又唔使，大家都係專業演員。（有傳盈盈執劉佩玥二攤？）拍宣傳片時大家都喺度，可能只係一啲調動啫。」講到日前他與思明放閃「玩煮飯仔」，楊明笑說：「嗰日我開大夜班，佢話不如煮飯畀我食，佢睇李家鼎學整麻婆豆腐。（女友係好好嘅煮飯婆？）都係，佢喺呢方面有天分。」他坦言二人有計劃在泰國置業，睇中當地樓市有升值潛力。