黃子華拆解「雙神論」

男神黃子華前晚都有「亮相」兩位歌神的演唱會，紅館大電視播出子華扮成新聞報道員的片段，解讀「神」的意義。他指神具有創作能力，可以由冇變有，歌神許冠傑寫了一首《鐵塔凌雲》，就像愛因斯坦寫《相對論》：「當時冇人知道講緊乜，但歌神句『為兩餐乜都肯制』（《鬼馬雙星》歌詞）就講到香港人嘅核心價值。70年代，阿Sam好紅又係大學生，令好多睇唔起廣東歌嘅人都開始聽，改變咗廣東歌粗俗嘅形象，所以，『神』就係咁嘅意思。」子華之後又妙論阿倫是「歌壇之神」，是全世界開得最多演唱會的人，由出道開始便沒停過，更一日開兩場，本來可一日開三場，但考慮到大家或會不夠精神才不開，再強調阿倫是「神」，皆因他年年25歲兼好精神！