80年代憑《Nothing Compares 2 U》一曲走天涯的愛爾蘭過氣女歌手Sinead O' Connor，近年不時傳出精神失常，現年50歲的她前日拍片放上網，喊晒口自爆有自殺傾向：「我只係得一個人，除咗我醫生與心理醫生之外，喺我生命中絕對冇任何人！心理醫生話我係佢嘅英雄，而呢樣係呢一刻唯一令我生存嘅事……確實係有啲可悲。精神病就等同毒品，唔會理你係邊X個，同樣更慘就係……呢個係恥辱！突然間所有原本愛你同照顧你嘅人會變得對你好衰。」她又透露目前住在新澤西州的賓館，今次拍片主要想所有人知道其近況。