陳美詩貓狗愛爭寵

歌手陳美詩（Macy）昨日到電台宣傳新歌《我會照顧你》，揚言女生都可以照顧男生。她指現時除照顧老公孫耀威（Eric）外，亦有照顧其愛犬及愛貓，但大呻：「啲貓每日清晨五、六點就會喵我，叫我摸佢，隻狗見到又會行埋過嚟爭寵。」問到兩人忙照顧寵物，可有時間「造人」？Macy笑言總有造人的時間，但冇特別計劃：「隨遇而安，唔使特登強求，我有朋友之前好心急，計晒日期又睇醫生但都唔成功，反而好自然就有BB，所以上天有佢(O既)時間，做好本分就得。」她又透露現時西裝舖生意已漸上軌道，每月都有盈餘，故可以專心雙線發展。