合演父女？ 鄧萃雯笑黎耀祥殘

鄧萃雯（雯女）與黎耀祥（祥仔）這對「經典組合」接受黎芷珊主持的無綫新節目《最佳拍檔》訪問，更透過big big channel與網民大玩「答問大會」。有網民留言表示期待二人再合作，問到他們想演夫妻、兄妹、父女還是仇人時，雯女聽到「父女」二字即忍不住大笑，向皺晒眉的祥仔說：「睇佢囉！如果佢都係咁殘，就要做父女喇！冇辦法，因為依家要講顏值。」但她之後即時「補飛」，指祥仔有時候顏值頗高，祥仔即解釋自己是看場合的人。