糖妹屋企附近派飯幫人
歌手糖妹日前聯同一班中學生隨義工團、「深水埗明哥」陳灼明一齊向有需要的長者、露宿者派飯，糖妹坦言最希望藉住活動與年輕人分享背後的意義所在，她說：「我都係住喺深水埗，對呢區有情意結，其實香港仲有好多地區都有露宿者、長者係需要幫助，作為藝人多少有影響力，希望透過我哋吸引到更多人，可以主動去做呢啲活動。」
糖妹坦言見到有些露宿者的確有心噏的感覺，她說：「好彩我阿爸阿媽有仔女，佢哋兩個退咗休可以安享晚年，但有啲長者、露宿者連溫飽都冇，係好唏噓。」她表示派飯地點好近她住所，她可以隨時落樓幫手盛飯、裝飯盒，見到一些中學生、義工團，大家齊心參與善舉，她覺得好窩心。