讚彭于晏最靚仔美猴王 余文樂自認羽量級身形
兩大男神余文樂、彭于晏（Eddie）前晚出席英皇電影《悟空傳》首映，獲英皇老闆楊受成夫婦、衛詩雅、麥子樂、鄭敬基夫婦等撐場，場面熱鬧。片中演孫悟空的Eddie，對於被網友大讚是最帥美猴王，笑指當年與阿樂合作偶像劇《愛情白皮書》時，從未獲讚靚仔，更說：「我不覺得帥，是別人說的，那就要謝謝父母。」阿樂在旁說：「我覺得佢係最高大靚仔嘅美猴王，但孫悟空應該係矮嘅。」
女友戥辛苦
而飾演二郎神的阿樂，被問到可認為自己是演出該角色的最壯演員？他說：「我覺得以前冇人演過，咁我認咗佢先！（何潤東咪做過囉！）係咩？咁我算係羽量級，羽毛個羽，何潤東先係重量級，大隻啲。」更指雖然電影已拍畢一段時間，但也有繼續做運動維持身形，問到女友王棠云對其身形可感高興？阿樂即蠱惑說：「唔話你知，但佢喺台灣睇咗套戲，都覺得我辛苦，佢本身有做開運動，所以知道要長時間Keep住個身形係好困難。」
至於衛詩雅則透露近日同時為幾部電影開工，忙得不可開交，她說：「喺房度背對白，因為會講埋對手嘅對白，搞到媽咪以為我有精神病，忍唔住敲我房門，入嚟見到我咁先安心啲。」
文：影視組