陳法拉撐薛世恒入行 合作要收貴啲！

女星陳法拉、林嘉欣及周秀娜昨日出席GIVENCHY Beauty唇膏活動，對於前夫薛世恒最近進軍娛樂圈，法拉大表支持，問到薛世恒作為新人年紀會否太大？她說：「男藝人壽命好長，有排做。（有冇畀意見佢？）冇，佢咁大個仔，識o架啦！（介唔介意合作拍戲？）如果有啱劇本都唔會介意，將來嘅事將來先知。（戲中做情侶呢？）邊個寫劇本寫到咁啱？（為你度身訂造？）咁酬勞要高啲。（酬勞高就得？）到時先算。（男友會否呷醋？）唔會，做嘢還做嘢。」又指與前夫關係不錯，有見面食飯。