洪卓立機齡15年打到癲

洪卓立(Ken)前日獲邀出席電競音樂節活動,有十五年「機齡」的他自爆當年打機打到天昏地暗:「由Gameboy年代開始,我打機嘅時間仲早過我老竇起身返工,打到夠鐘返學先急急腳換校服出門口,好癲!」活動上他與一眾機友對戰賽車遊戲,結果四個回合均奪得第一名。玩得興起的網絡紅人林慧韡賽後與Ken再戰,結果仍俯首稱臣。Ken坦言首次上台打機難免緊張,因為其他人都有一定打機年資:「好彩呢次大會安排嘅對手都係得一、兩個有玩開,所以我先贏到。」