雨僑搞重口味生日會

歌手雨僑（Ava）前日獲一班粉絲舉行生日會慶祝。穿露肩裝的壽星女Ava與在場粉絲傾偈、影相、玩遊戲，獲贈鮮花及自製小禮物，更收到榴槤蛋糕，她笑說：「我年年都同Fans聚吓、互動吓，大家一直連繫得好好，佢哋跟咗我咁多年，都好知我心意，所以特登揀咗個榴槤蛋糕畀我！其實佢哋好多人都唔食，好彩間餐廳夠大，否則咁勁嘅榴槤味，怕臭親隔籬。」又透露回贈了西式靚湯滋潤粉絲。提到新歌《花季》已推出，她說：「好開心呀！今年係好多成果嘅一年！」