張衞健風扇吹光頭死忍唔發火
這個炎夏酷熱天氣警告高掛，藝人出外景隨時中暑！張衞健就身在氣溫高達38度的佛山西樵山拍劇，穿厚軍服的他即使被猛烈陽光兜頭曬都頂硬上，幸有良心劇組及拍檔為他吹風扇及提供冰涼飲料！
藝人張衞健（Dicky）、洪永城（Tony）、曹永廉、蔡思貝與徐榮等日前已赴佛山西樵山國藝影城，為無綫新劇《大帥哥》拍攝外景。當地高溫達38度，為了顧及全體工作人員感受，Dicky曾在開機儀式現場，當着數百名台前幕後人員許下承諾，表示不論天氣如何炎熱、環境如何惡劣都不會發脾氣。惟正式開工後，西樵山的太陽猛得厲害，Dicky苦嘆不但想發脾氣，簡直是要發癲！
飲凍糖水消暑
Dicky當日誇下海口，所以每次想發脾氣時，心中都猶如有個金剛箍控制着自己，他笑說：「咁都係一件好事，唔好畀自己亂發脾氣！（但咁曬，點樣消暑？）唔知係咪光頭，怕太陽直曬到我個頭頂呢？其他演員都會用風扇仔幫我吹涼風降溫，真係好感動o架！」
他大讚今次遇上良心劇組：「為免演員同工作人員中暑，佢哋每日都準備凍綠豆沙或冰涼飲品畀各人，又安排我住酒店尾房，房門外較出位置再加一道門，務求令我有個更安靜嘅環境休息同讀劇本。（捱飯盒？）冇，每晚收工都唔使食飯盒，可以去酒樓晚飯，真係令我好窩心！」Dicky的粉絲更從各地前來探班，令他大為感動！
文：影視組