歌手陳詩慧（Eva）在新片《西謊極落：太爆‧太子‧太空艙》中除了擔當演員外，更為電影炮製插曲及配樂。早前Eva為插曲《太空艙》拍攝MV，好友王宗堯仗義擔任導演，Eva長時間穿着超厚太空裝，拍攝過程相當「火辣」：「我自己係有啲攞嚟賤，想配合番太空艙主題，特登喺網上搵件太空衫返嚟，大熱天時三十幾度喺街度着住焗桑拿，好辛苦！但都係想表達自己嘅訊息。」
