郭思琳升級藍帶感動到喊

郭思琳自參加格鬥節目《G-1格鬥會》後未有放棄練功，繼續苦練巴西柔術（BJJ），日前終獲升級至藍帶，其世界級黑帶師傅Mike Powers，在儀式上親自為她將藍帶綁腰並加以勉勵，令思琳感動到眼濕濕！

學到人生哲理

近兩年思琳為鍛煉導致周身傷，傷患包括雙手手腕扭傷、雙腳拇趾受傷、左膊近胸肌位肌肉撕裂、頸部及脊椎移位、內唇瘀傷引致唾液腺囊腫，今次升呢可說是辛苦有回報！她說：「我覺得打巴西柔術學到人生哲理，唔係亂衝亂撞，要冷靜智取同謙虛。（之後有咩目標？）我想同教練一齊推廣呢項運動，因為節目之後係多咗好多女仔玩巴西柔術，希望之後可將功夫放入電影度，將來拍動作戲會更好。」不過思琳遺憾在白帶時未打過BJJ比賽，升藍帶後要面對更強對手，要加倍努力！

藍帶級	為了鍛煉，郭思琳搞到周身傷，有苦自己知！	郭思琳獲黑帶師傅Mike Powers大讚叻女。

女星中佢最威

巴西柔術主要着重地板戰，包括擒拿、頸及關節鎖技、摔技，分級制度是白、藍、紫、啡、黑，當中再分段數，思琳憑上佳表現及高出席率，獲師傅Mike Powers認可，成功由白帶升級到藍帶，暫時本地娛樂圈未有其他女星達此程度，夠晒威水！

文：影視組