吳千語Mark實林峯婚後即生B

吳千語強調與林峯情未變，更諗定生仔大計。

天馬影視投資的CINEMA CITY昨日在柴灣開幕，老闆黃百鳴偕旗下藝人吳千語出席，圈中好友譚耀文、泰迪羅賓及太陽娛樂文化高層黃柏高等撐場，陳靜亦有低調現身。久未在港出席活動的千語透露，早前與朋友到法國旅行個多星期，男友林峯後期才加入，問到林峯此行有否送上驚喜，她說：「冇，都唔係乜嘢特別事。」並透露已超過半年未與男友外遊。談及早前再傳「分」訊，千語說：「耐唔耐傳結婚或者分手，唔想回應，總之唔係！」對於被指為林峯戒夜蒲，她表示大家有自己的朋友圈子都很正常，但有時亦會一齊玩。

有意買樓呻貴

提到有指二人築愛巢，千語只表示未有結婚計劃，又承認有意置業，但有感樓價高企，並非入市好時機，而她較喜歡揀選舊樓。千語又揚言與男友各有各忙：「結婚都需要時間，我想結完婚即刻生BB。（可以先生後結婚。）依家好多都遲婚，30歲唔算遲，都係講緣分，但唔係依家。」她指林峯一年只有三分之一時間在港，一年只去一次旅行，即使二人同樣身在內地拍劇，亦很少機會見面。

林峯 「生B呢啲大事，諗定差唔多喇！」（設計對白）

譚耀文（右起）、吳千語、黃百鳴及泰迪羅賓等出席戲院開幕。

至於黃百鳴則透露今次投資4,000萬為戲院進行加固工程，又指作為上市公司，發展戲院是另一藍圖，稍後亦會分別於銅鑼灣及荃灣，開設3間新戲院。

文：影視組