苟芸慧坐賽車出閣 陸漢洋婚期得個諗字
藝人苟芸慧（苟姑娘）與賽車手男友陸漢洋，每次出席活動都被追問婚期，其好姊妹王君馨日前踢爆二人於陸漢洋奪冠後便結婚，苟姑娘亦揚言待二人一同出席活動時交由男友講，令人以為他們昨日出席賽車活動時會宣布喜訊！怎料陸漢洋昨日澄清只是說話上的誤會，席上僅宣布苟姑娘任賽車大使。
求婚玩驚喜
苟姑娘表示與男友了解後得知，原來奪冠後結婚是之前有記者提議，但陸漢洋亦斬釘截鐵表示會與苟姑娘結婚，二人亦已有共識：「一定會結婚！（揀好日子？）未。（求婚未？）太私人，唔講你哋知，留驚喜。人物定咗，腦海準備地點，會尊重佢，加拿大一定會去。香港多朋友走唔甩，想畀最好佢，最甜蜜、最難忘嘅婚禮！」苟姑娘聞言冧讚男友平時已經很浪漫，陸漢洋即時甜到爆。
苟姑娘又大爆早前拍唇膏廣告時，獲男友教擺嘴唇姿勢，她說：「佢係賽車手好型，但教我嘴嘅動作，好Sweet。（錫嘴咁教？）唔係。」陸漢洋趁機讚女友靚，又指情侶錫錫好正常。此外，他透露女友賽車時圈速快，令他開始驚，更大讚她與專業車手不會差太遠，希望用賽車作為花車。