曾志偉豬朋狗友唔想害心悠

藝人曾志偉及劉心悠昨日出席奇華至尊月餅2017電視廣告首播禮，兩人身穿20年代懷舊服飾，重演廣告中深情對望一幕，之後心悠將「古箏」講錯成「古精」，笑爆全場！志偉即笑說：「呢個精真係難彈！點彈呀？」問到廣告中是否演情侶？心悠笑言不知道，志偉笑言留給大家「性幻想」。
心悠自爆曾有朋友介紹男仔給她。
心悠自爆曾有朋友介紹男仔給她。

問志偉可有介紹男友給心悠？他說：「佢百毒不侵，好難嘅，我得兩種朋友，豬朋同埋狗友，點介紹得落！」心悠表示「時候未到」，志偉插口說：「依家仲係事前，未到事後。」心悠透露的確曾有朋友介紹男仔約食飯，問可有發展？志偉再爆笑彈：「咩發展呀？我試過灌醉佢，推佢入房，佢又走番出嚟！其實佢真係圈中乖乖女，冇乜負面新聞，我懷疑過佢係咪有病，成日做完嘢即刻返屋企！」

志偉和心悠重演深情對望一幕。
  • 志偉和心悠重演深情對望一幕。