遭伊健林曉峰夾擊 麥明詩：佢寸我就得，我寸佢就唔得

Celine雖然早已知道成功晉級半準決賽，但仍保密到底，前晚她與細妹Dion到金鐘亮相《Emoji大冒險》（The Emoji Movie）首映禮時難掩興奮笑容，準備睇電影減壓。同場更有為電影聲演的麥明詩（Louisa）、鄭伊健及林曉峰（阿Lo），Louisa谷出三吋事業線亮相，收到不少「心心眼」！三人搞笑互寸，首次挑戰配音的Louisa被阿Lo取笑聲線「老練」，她則反擊稱面對二人感到應接不暇，似當年選港姐面對評審：「作為後輩又唔敢亂講嘢，佢寸我就得，我寸佢就唔得呀！又話我老練又話我成熟，係咁抬高我，都唔知係咪真心！」伊健聞言笑說：「我哋娛樂圈其實係冇咁複雜！」阿Lo則笑說：「其實你係八十年代嘅港姐？」Louisa又笑說：「你講出世呀？咁我都Keep得幾好！」伊健更表示因有幽閉恐懼症，因此之前都少接配音工作。