妻管嚴？陳美詩（目及）實老公戶口

剛榮升孫太的藝人陳美詩（Macy）昨日接受電台訪問，新婚的她已年屆36歲，與老公孫耀威（Eric）同樣喜歡小朋友，問到會否加速造人計劃？Macy說：「造人某啲時間匿埋做，早上可以出嚟工作。」她更透露早已掌控老公的財政及資產，她說：「佢啲戶口密碼我全部都知道。（發現佢過巨額畀第二啲女仔？）冇，佢好乖，係把口搞笑啲同埋好似好勁，其實佢私下好乖。」問到Eric是否怕她？Macy說：「互相尊重。」對於老公指她三十幾歲人仲做樂壇新人，Macy說：「新人冇年齡界限。（佢話想食拖鞋飯？）睇吓我有冇成就同佢乖唔乖。」