李家鼎 唔急出新書
藝人李家鼎與譚玉瑛昨日出席「阿爺廚房」活動，即席炮製叉燒。對於早前推出的食譜銷情理想，李家鼎透露已加印6千本，問到可會繼續出新書？他說：「有講過吓！慢慢先，出太密唔好，好似呃人咁。（主持無綫煮食節目後搵好多錢？）希望啦！之前都接咗去澳門兩日煮嘢食工作，再傾緊去另一個地方。」他表示其私房菜將於9月在銅鑼灣開張，問到可有被旅行團邀請做嘉賓？他表示未敢接相關工作：「我頂唔住。」
工作不斷的他，被問到是否少了時間湊孫？李家鼎即一副慈祥爺爺模樣：「係少咗時間，個孫仔依家好跟人，除咗扭眼瞓同食嘢會嘈，仲識行添！不過未識叫爺爺，有時買嘢畀佢會好嗲。」他透露平時多數由他下廚，亦會教媳婦煮菜，並大讚對方。