地獄式練拳吳雨霏開騷晒成果

近來養尊處優的吳雨霏（Kary）的內地巡迴演唱會日前在東莞展開，潮爆人妻Kary在演唱會共換了七套衫，着上秋冬runway服裝閃爆登場，身形弗到爆！原來月前她進行密集式打拳地獄訓練，在個唱上大騷小蠻腰的她說：「大家有冇留意我啲腹肌？我練得好辛苦！呢一個月我每日朝早都會去訓練，除咗為呢個騷，仲係想挑戰自己辛苦鍛煉嘅成果。」全場即報以熱烈掌聲支持。
Kary在勁歌熱舞中大晒腹肌及小蠻腰。
Kary在勁歌熱舞中大晒腹肌及小蠻腰。

Kary一口氣連唱多首歌，又跟觀眾分享近年轉變：「去年我休息咗一整年，對我嚟講係一個重新認識自己嘅機會，更發現有好多值得珍惜嘅事，今日做到呢個演唱會我好開心！」之後唱出《上帝早已預備》時她忍不住哽咽，場面感人。演唱會還有師妹AGA做嘉賓，AGA表示與師姐很有淵源：「入行前我曾經唱Kary啲歌做demo，之後加盟同一間公司，仲為佢寫歌。」

Kary穿上鋪滿水晶的貼身裝束閃亮登場。
  • Kary穿上鋪滿水晶的貼身裝束閃亮登場。
AGA為師姐擔任嘉賓，並表示和對方很有緣。
  • AGA為師姐擔任嘉賓，並表示和對方很有緣。