傅穎瀛look飛日本餵鹿

換上粉紅髮色的傅穎，身形弗爆。

日前她趁空檔與朋友飛到日本旅遊，她說：「我有成8年冇去日本，今次去咗大阪、京都同奈良，主要係玩、輕鬆吓。我好期待去餵鹿仔，覺得好得意，嗰度啲鹿同人打成一片，佢哋直接瞓喺買手信店門口，餵嘅時候好搞笑，我一路餵一路有鹿喺後面咬起我條裙，扯一扯，叫我餵佢食。我覺得佢哋好精叻，如果你手上冇餅就唔會騷你，幾得意。」兩年前考獲車牌的她，今次到日本有自駕遊，她笑說：「我考咗牌冇揸過，勁生疏，我由山上揸到山底，去到大馬路就畀番朋友揸，因為有啲驚，不過重拾駕駛樂趣。」

• 大班鹿仔圍着傅穎爭食。