葉梓嵐遇性騷擾收下體照嫌細

昨日《第19屆動漫電玩節》繼續有活動舉行，身形細細粒但擁最強「胸器」的模特兒葉梓嵐出席直播活動，以Final Fantasy（終極幻想）女主角造型現身，力谷32E超級上圍！

廣傳益姊妹

問到平日玩直播是否也如此性感？她表示會在特別節日穿制服或玩Cosplay，亦不諱言曾被性騷擾，惟見慣風浪的她似乎未驚過：「有網民問我鍾意男仔咩Size？我話愈大愈好，之後佢就Send下體相畀我，我就分享畀朋友睇，睇吓邊個啱用。（咁夠唔夠大？）我覺得爭啲啲。」Karen表示因到歐洲旅行而押後寫真計劃，望8月內能出版：「會加插新相，有半裸、SM綑綁、紋身，都比較激！但去完旅行肥咗13磅，上圍升到E Cup，我寧願瘦啲，依家要努力瘦身。」

扮狗練演技

另邊廂，宅男女神「沙律」張沛樂、「咪神」陳偉琪（Vicky）及索模楊舒婷（Sadelle）宣傳VR虛擬女友遊戲，同樣有參與遊戲的簡淑兒因事未有出席。沙律的角色由狗變人向男主人報恩，故經常扮可愛，平日性格Man爆的她自嘲難頂：「平時我幾男仔頭，叫我扮嗲有難度，我估男友應該都頂唔順。（擔心成為性幻想對象？）我係一隻天真可愛嘅狗仔，咩都冇諗，接呢個工作係想磨練演技，有幾何可以扮狗呀！」

沙律在電玩遊戲中大晒嗲功。	「兔女郎」簡淑兒昨日缺席有份參與的電玩宣傳活動。	陳偉琪手執香蕉擺甫士挑逗玩家。

而Vicky表示最難忘在東京街頭拍痛哭戲，又凍又餓，另一幕則要以生果挑逗男玩家，她說：「有啲尷尬，但已拍到凌晨四點，只想快啲完成收工。（成為玩家性幻想對象？）呢樣控制唔到，但我相信唔會嘅，個遊戲有故事，教男仔點同女仔相處。」

此外，大會宣布重金禮聘日本一線AV女優三上悠亞成為下一位虛擬女友，並廣招粉絲「點唱」想跟三上發展的故事。

文：影視組